¹ Wayesephendula uJobe ethi: ² Ngeqiniso ngiyazi ukuthi kunjalo , kepha umuntu angaba elungile phambi kukaNkulunkulu na? ³ Uma efuna ukuthetha amacala naye , angemphendule nakwelilodwa kwayinkulungwane. ⁴ Ehlakaniphile enhliziyweni , eqinile emandleni , ngubani oziqinisele kuye , waphumelela, ⁵ yena ogudluza izintaba ngokungazeleli, ezigumbuqela ngentukuthelo yakhe; ⁶ ozamazamisa umhlaba usuke endaweni yawo, kuthuthumele izinsika zawo; ⁷ oyala ilanga lingaphumi, avalele izinkanyezi; ⁸ oweneka izulu yedwa, ahambe emazeni olwandle; ⁹ owenza iBhere, neMpambano, nesiLimela, namaKamelo aseningizimu; ¹⁰ owenza izinto ezinkulu ezi ngenakuhlolwa, yebo, izimangaliso ezingenakubalwa. ¹¹ Bheka, uyangidlula, ngingaboni; uyagudla, ngingezwa. ¹² Bheka, uyabamba; ngubani ongamkhalima na ? Ngubani ongasho kuye ukuthi: Wenzani na? ¹³ UNkulunkulu akayikubuyisa intukuthelo yakhe ; phansi kwakhe bayakhothama abasizi bakaRahabi. ¹⁴ Pho, mina ngingamphendula ngithini , ngikhethe amazwi ami aqondene naye, na? ¹⁵ Noma bengilungile , bengingenakumphendula, kepha nginxuse umahluleli wami. ¹⁶ Uma bengimbizile abesengiphendula , bengingayikukholwa nokho ukuth i ubekile indlebe ezwini lami. ¹⁷ Uyangilimaza ngesiphepho; uyandisa amanxeba ami ngeze. ¹⁸ Kavumi ukuba ngiphefumule, kepha uyangigcwalisa ngomunyu. ¹⁹ Uma kuyindaba yamandla , nangu onawo ; uma yindaba yokwahlulela , ngubani ongimemayo na? ²⁰ Noma ngilungile, umlomo wami uyakungilahla ; noma ngingenacala , uyakuthi ngonakele. ²¹ Anginasici; anginakekeli umphefumulo wami; anginanzi ukuphila kwami. ²² Ukuphela kunye nje; ngalokho ngithi: Uyaqeda ongenasici kanye nomubi. ²³ Uma isiswebhu sibulala ngokuzumayo, uyahleka ingozi yabangenacala. ²⁴ Umhlaba unikezwe esandleni sababi ; uyasibekela ubuso babahluleli bawo ; uma kungesiye, pho, ngubani na? ²⁵ Imihla yami iyashesha kunesigijimi; iyabaleka ingabonanga okuhle. ²⁶ Itshuza njengomkhunjana womhlanga , njengokhozi olutheleka empangweni. ²⁷ Noma ngithi ngiyakukhohlwa ukukhala kwami , ngiyeke ukunyukubala kwami, ngincibilike, ²⁸ ngiyesaba nokho bonke ubuhlungu bami , ngiyazi ukuthi awuyikungibheka nginjengongenacala. ²⁹ Ngiyakulahlwa mina; ngikhandlekelani ize na? ³⁰ Noma ngizigeza ngamanzi eqhwa, ngihlambe izandla zami ngensipho, ³¹ uyakungicwilisa nokho emgodini, izingubo zami zinengwe yimi. ³² Ngokuba akasiye umuntu onjengam i ukuba ngingase ngimphendule , siye kanyekanye ekwahlulelweni. ³³ Akukho mnqamulajuqu phakathi kweth u ongabeka isand la sakhe phezu kwethu sobabili. ³⁴ Makayisuse induku yakhe kimi; ingebhe ngaye mayingangesabisi. ³⁵ Khona ngiyakukhuluma, ngingamesabi, ngokuba anginjalo ngokwami.